林夏薇拒做少奶奶拍劇攞苦嚟辛做生意親力親為捱完通宵去巡鋪丨獨家

2024-05-02 17:00:00

做咗9年「闊太」的林夏薇雖然生活富貴，但事業上從冇放軟手腳，TVB熱播劇《逆天奇案2》中，身為女主角的薇薇勁搏，除配合劇情晒長腿及黃蜂腰外，仲要狂跑，攞苦嚟辛的她笑住解釋：「唔會有工作叫少奶奶，每個人會追求唔同嘅人生選擇！」另外，擁有多間食店的她更分享逆市下做生意的心得。採訪：方騫平攝影：譚志光化妝：Faye Chow @江中平化妝室場地：尖沙咀八十里

林夏薇唔做少奶奶努力為事業奮鬥。

薇薇事業上從冇放軟手腳。

薇薇拍《逆天2》既刺激又難忘。

薇薇Enjoy演藝事業。

薇薇工作好認真。

首次拍續集劇的林夏薇表示緊張，希望觀眾能陪伴劇中人成長。今集她跟陳展鵬及方力申有感情戲，見觀眾不停在網上留言，集氣想她跟展鵬復合。問到現實生活中如何面對複雜的3角關係？她強調：「生活上嘅林夏薇簡單好多，唔會接觸到咁多人，做人越簡單會越開心。」

林夏薇希望觀眾能陪伴劇中人阿Wing成長。

劇中小方對她有曖昧情。

同情敵馮盈盈對談。

逆市下創立鑽石品牌

薇薇形容拍《逆天2》既刺激又難忘，尤其在黑雨警告下，冒住俾雷劈嘅危險，極速上落逾千級樓梯，上山拍一場拒絕陳展鵬復合的戲份；又喺街頭追住大賊張雷跑到咳，跑到好似用咗1.5速快拍鏡頭咁；另外，仲有場在戶外做瑜伽的戲，拍瑜伽戲前不論幾夜收工，都要捱眼瞓做運動去keep靚身形。雖然拍得辛苦，但她樂在其中：「原班人馬合作好難得，老公都好支持我咁做。」

跟陳展鵬跑上千級樓梯拍拒愛戲。

行到上山腳到軟。

在黑雨警告下，冒住俾雷劈嘅危險，極速上落逾千級樓梯山上取景。

喺大熱天下於戶外做瑜伽。

好落力。

街頭追住張雷跑到咳。

由張雷領跑。

對於經濟不景氣下香港出現結業潮，薇薇堅持有危自有機，下月更開始營運自家鑽石品牌，而一直經營的多間火鍋及點心店未有太大影響。林夏薇更分享逆市下做生意心得：「大環境係咁要一齊面對，做乜生意都好，最重要做好本份，保持質量，而且要親力親為。」原來林夏薇經常落鋪巡視，試過拍完通宵戲，到將軍澳分店食點心，邊食邊留意運作情況。