一名人有三急的大隻佬，早前在港鐵旺角站表演彈出彈入，以比電影中「東莞仔」更有勁力的跨欄方法，闖入車站已付車費區域借廁所，過程被途人直擊拍攝下來。詳情見下圖及下文：
大隻佬人有三急 港鐵旺角站彈出彈入 「東莞仔」式借廁所逐張睇↓↓↓↓
樓主：目擊佢跳入閘去廁所 又跳返出去
樓主本月14日在社交平台Threads以「旺角地鐵站」為題上載短片發帖，指「目擊佢跳入閘去廁所，然後佢又跳返出去…」。
樓主及後解釋捕捉到這幕鏡頭的因由——「因為男朋友想去廁所，所以先至行咗過去廁所嗰邊，然後就見到佢跳咗入嚟，反正都要等男朋友，企咗喺廁所門口，所以就舉住機等佢出嚟」。樓主及後回應網民時坦言「雖然唔認同佢行為，但我都覺得係幾型嘅」。
片中的大隻佬疑似為洋人，疑似在站內「齋借廁所」，短片拍攝他到在旺角站大堂離開廁所後，奮力躍過欄桿跳離已付車費區域，與正在等候的露肩女伴一同離開。
相關閱讀：長沙灣港鐵月台驚現「糞便」大大嚿 人來人往CCTV下「開大」？疑似真相是…
網民：非法闖入付費區域違反港鐵附例
回應的網民驚訝，指「明明上面TOP（T.O.P This is Our Place）係一個商場，裏面就有廁所，行遠少少就到朗豪坊」。另有人稱「如果我急緊尿或者急緊屎嘅話，應該已經冇辦法跳到，一跳應該已經瀨咗…」。
片中人正在示範不法行為，但仍有網民力撐，揚言「去個廁所啫」、「借個廁所都冇乜所謂嘅 ，搭車就唔好喇」，有網民於是看不過眼提醒「見樓上某樓歪理連篇，幫大家補吓法律知識啦，非法闖入付費區域，已經違反港鐵附例 =違法行為」。
涉事男子可能已違反《香港鐵路附例》的14. 禁止無票進入和乘搭列車、14A. 沒有繳付車費等、28B. 禁止攀爬欄障或旋轉柵閘、28C. 經由不恰當途徑進出以及排隊。
相關閱讀：西灣河站一地流金 兩張廁紙相伴 嚇壞網民
網民：西洋版東莞仔
另有網民因應其彈跳力，想起「東莞仔」，指「東莞仔喎！」、「致敬東莞仔啫」、「西洋版東莞仔」、「佢都係睇東莞仔大」。
藝人林家棟在電影《黑社會以和為貴》中飾演的「東莞仔」，示範了一趟完美的路邊跨欄動作，從起跳、跨腿以至落地的作動一氣呵成，表情從容不迫，堪稱一絕，成為路邊跨欄經典一幕↓↓↓↓
資料來源：chingtungk＠Threads
港鐵站內洗手間位置一覽
在港鐵官網「服務及設施」、「車站設施」欄目下的「港鐵站內的洗手間」，表列指示洗手間的地點及其車站（下方↓↓↓↓表列只供參考，其內容或會有所變更）。
相關閱讀：門黑衣漢亂過馬路 跨欄失手慘變人肉搖搖板 網民爆笑：跟東莞仔學幾年↓↓↓↓
屯門一名黑衣男子今年初懷疑亂過馬路，跨欄準備降落行人路時，失手慘變人肉搖搖板。尷尬動作剛好被行經車輛的車cam拍攝下來。網上流傳僅長5秒的短片被網民大肆調侃起來，也不禁令人想起林家棟飾演「東莞仔」時所演譯的完美跨欄動作↓↓↓↓
