剛滿55歲，跟蔡少芬、陳慧珊、郭可盈同封「90年代TVB四大花旦」的宣萱， 畢業於倫敦大學帝國理工學院，是名副其實的學霸，因為鬼妹仔直率性格、樣貌，宣萱十分入屋，更憑《刑事偵緝檔案IV》於1999年榮封視后，近期她再捧走新加坡視后，演技早已備受肯定。宣萱因為甚有原則，一直被盛傳愛黑面和難相處，近日她接受方健儀訪問，她就直認自己「肯定係黑面」，更指「好多人都淨係諗自己」；亦試過因為不想到內地拍劇，就帶大量現金北上「邊數錢邊拍攝」來平衡心理。
宣萱：我肯定係黑面
多年來宣萱都被指難相處，亦多次被傳出跟同劇女明星不和，當中包括張可頤、陳慧珊、郭藹明等。方健儀指自己感受不到，但宣萱有否聽說過自己是「黑面神」？宣萱就笑說是因為方健儀沒有做錯事。宣萱表示：「我自己冇聽過，但我肯定係黑面，因為我唔會收埋。通常都係人哋一定係做錯咗某啲事，如果你日日發緊夢，又唔留心，大家講咗你又唔做，唔讀劇本又遲到，我工作上嘅黑面比較多」。宣萱指，如果私底下被攻擊私隱亦會黑面：「你連基本尊重都做唔到！有好多人淨係諗自己、以自己為中心，咁樣係唔得」。宣萱表示現時有將「自己條線降低」，但她就不能接受其他人沒禮貌。
相關閱讀：宣萱與劉青雲激罕同台好尷尬？曾傳與郭藹明不和：唔係朋友 男方護花被指入電視城反擊
宣萱認自己係黑面神：
宣萱通淋巴凍齡
方健儀之後問宣萱如何保養，原來通淋巴是宣萱的凍齡秘訣；她亦認為每個人都需要找到平衡心理的辦法，如果平衡不來就好大壓力，對外表抑或心理都不健康。宣萱表示：「就好似返內地拍劇，以前環境好差，我每一次返去都要入醫院，腸胃炎好嚴重。有一次淨係得我一個香港人返去，雖然人工都好可觀，但我都唔想返。」
宣萱數巨款來平衡心理
宣萱表示經理人教了她一招，讓她豁然開朗：「經理人話，人要搵到一個平衡，有啲嘢唔係你最想做，但你唔可以樣樣唔鍾意就話唔做。佢同我講，總之你攞住疊現金上去，如果數錢可以平衡心理就去做，當時我真係攞咗疊Cash喺上面數，之後就拍得好開心」。
宣萱單身多年：接受上天訓練
宣萱入行後曾公開5段情，到2016年和意大利型男Fran分手後，多年來都保持單身。宣萱亦承認單身了很多年：「我依家好享受一個人，都唔知係唔係好事。有同伴去分享當然係好事，但人大咗，就知男朋友、老公或者朋友都係一種情，唔使咁執着係唔係愛情。我其實有好多異性朋友，不過仲未遇到一個可以做男朋友嘅人。我係覺得係會有嘅，只不過未出現，依家係個天訓練緊我啫」。
相關閱讀：宣萱55歲生日望奪終身成就獎 20年前牛一性感照激罕流出 顏值巔峰引網民熱議
宣萱與古天樂屢傳婚訊？
