巴士乘客引起的噪音問題不時釀成衝突，早前在一輛駛經牛頭角的巴士上，更加引發一場帶有復仇成份，又有點喜劇情節的暴力場面。
當中，一名大媽不滿被要求收聲，與車上一名黑衣男子爆發罵戰；男子落車後，一名看不過眼的學生哥接力勸大媽，結果遭大媽回頭怒吼：「係咪食屎大？」。落巴士後更遭大媽當街擬似擲石報仇，不過，結局卻因為兩大情節而大反轉，復仇畫風一轉而成爆笑喜劇。詳情見下圖及下文：
牛頭角巴士大媽不滿被叫收聲爆罵戰 落車後疑怒向學生哥擲石逐張睇↓↓↓↓
樓主一口氣上載3段短片
樓主本月9日在社交平台Threads一口氣上載3段短片發帖，留言指「事源個阿婆喺度嘈，一開始阿叔頂唔順已經ＸＸ佢，互Ｘ咗成分鐘，之後已經收Ｘ晒聲，阿婆趁阿叔落車（可能條氣唔順）又再Ｘ多次。
阿婆喺度嘈嘈嘈真係頂佢唔Ｘ順，叫佢收聲佢都唔知錯，仲俾佢鬧返轉頭：『係咪食屎大？』。落咗車之後仲要執石仔掟我（係咪可以告佢傷人？）」。樓主接著總結「抵佢死惡人有惡報，買個抽菜跌咗落地碌，成件事好Ｘ好笑」。
樓主在回應欄補充：
•開頭都唔知阿婆嘈乜Ｘ，之後有個阿叔頂唔順，佢就鬧Ｘ佢，個阿叔走咗之後佢又喺度嘈，我忍唔住所以先出聲話佢；
•阿婆Ｘ第二次嘅時候我都頂佢唔Ｘ順啦，嘈住晒成車人我先忍唔住叫佢收聲，所以阿叔落咗車之後，我就變咗佢針對嘅目標。
相關閱讀：嫌學生哥搭巴士傾唔停爆罵戰 「大學生」一句「ＸＸ」辣㷫 熱褲大叔疑吹氣噴口水
第一段短片：大媽與黑衣男口角
第一段短片中，巴士正駛向樂華南邨站，上層滿載學生，鏡頭從後拍攝，見到中排一名黑衣男子正與坐於前面的大媽發生口角：
•大媽：你投訴呀……唔抵得……
•黑衣男：你咪打電話報警拉佢囉！你老XX，嘈喧巴X閉。
•大媽：咁你又喺度嘈？
•黑衣男：我而家制止你嘈呀！
•大媽：制止……收聲啦……講咁多！……你去死啦，你講咁多死呀……你呀你呀，X街！
•黑衣男：唔好X再嘈呀！
第二段短片：大媽巴士上鬧樓主
在第二段短片內，巴士將停靠彩德邨站。這時大媽起身準備落下層，疑似不時回頭指手畫腳大罵樓主：「黐線仔，食屎㗎！得唔得」。
第三段短片：街頭擲石復仇
第三段短片是樓主與大媽下車後的後續發展，大媽當街跟在樓主身後狙擊，大喝：「走呀？X你個街！X你個老X呀！食屎大㗎？X你個老X！」。
大媽邊行邊彎腰隨手撿起路旁花槽上的石仔，舉手一邊疑似說著「死梗呀」、「去死」，邊把石仔擲向樓主。不過，說時遲那時快，石頭剛好戲劇性地撞正欄杆，發出清脆的「噹」一聲後彈開，樓主無恙。
在大媽繼續向樓主破口大罵的同時，手持的餸菜甩手，更有一包菜掉到地上幾乎碌走，大媽連忙彎腰拾回。
相關閱讀：疑大聲播片被阻 巴士阿叔拳打青年至見血 之後再咁屈人惹議
路人視角短片：直擊大媽彎腰撿石頭
在回應欄，有在街頭從後目擊的網民拍攝到另一角度，直擊大媽彎身撿起石頭，和拾回蔬菜一刻，並再罵樓主「你忍我？我忍你個X街！走啊？食屎大㗎？走啊？X街！」。
網民建議報警處理
因應擲石，回應的網民均替樓主擔心，指「咁大粒石仔打落頭真係會爆血」；有人則建議報警處理「佢仲石仔掉你，仲唔報警」、「有晒片加埋證據，夠料可以報警」。
有人則笑言「仲以為粒石仔反彈，彈落阿嬸個頭」、「阿婆幾滑稽，一路嘈一路執餸，再嘈今晚餐飯就無」、「佢個西蘭花都頂佢唔順」。另有人力勸大媽，指「老人家，好心留返啲氣啦」。
資料來源：k0_j01＠Threads
相關閱讀：巴士「孝順姐」撳住長髮女打到嗌救命：「你Ｘ我都得，唔好Ｘ老母！」↓↓↓↓
今年初，有大媽在巴士上疑不滿鄰座長髮女子，多次以粗口問候其「老母」，「Ｘ人老母」最終演變成打鬥，大媽最終撳住長髮女打，怒斥：「你Ｘ我都得，唔好Ｘ老母！」。被網民形容為「孝順姐」的大媽，大戰長髮女的全過程如下」↓↓↓↓
