離職派散水餅向同事聊表寸心本來是好來好去的好事，有打工仔卻竟然因而誤食狗糧。雖然派餅的同事在事後聲稱錯買「狗月餅」，但事主卻懷疑對方別有用心。對於這件稀奇古怪事，有網民卻錯重點，對狗糧的味道大感好奇，查問「想知咩味」。詳情見下圖及下文：
同事離職派狗糧當散水餅 聲稱買錯事主誤食疑別有用心逐張睇↓↓↓↓
樓主：懷疑想笑我返工似狗
樓主上月23日在社交平台Threads上載相片發帖，指「同事last day（上班最後一天）買錯狗糧，唔小心食咗，懷疑想笑我返工似狗」。
回應的網民心水清，留言指「10月尾last day整嚿寵物月餅咁趣致」、「仲送月餅？」，提醒要「留意有無expiry date（食用到期日），會唔會係過期嘅狗糧？」。（編按：今年的中秋節為10月6日）
於是有網民與樓主有相似想法，懷疑派餅者別有用心，指「係唔係有心」、「真係唔小心？ 」、「你確定係買錯？」、「你覺得係買錯？」、「你真係確定係買錯而唔係清理廚餘？」、「可能佢別有用心咁買」、「呢單嘢應該部處咗好耐」。
相關閱讀：$1968天價散水餅賬單瘋傳 多達XX款食物 網民呻散水餅文化遭扭曲
網民：睇嚟好憎你哋
另有網民指「買狗糧做散水餅送俾同事食，真係贏咗99.9%的香港人」，並估計派餅者「睇嚟好憎你哋」、「呢招OK喎～佢喺度做嘢應該好唔開心喎。點解我以前辭職完全冇諗過呢啲嘢嘅？證明我心地都唔錯。反正都江湖不再見，如何體面而不失霸氣咁樣陰Ｘ老細、同事最後一鑊」。
不過，還是有人好言安慰樓主，可能真是買錯——「我哋中秋都有開箱，差啲有同事jap（食）咗 」；更有人表示「應該比人食嘅仲貴，你賺咗」、「話晒都貴嘢嚟」、「可能係祝福嚟，想你份工長長久久，好啦好努力咁幫佢兜緊」，並感慨「做狗好過做人」。
網民想知係咩味
對於這樁怪事，有網民錯重點，對狗糧的味道大感好奇，查問「想知咩味」、「想知係咩味」、「笑咗，好唔好食？高級狗餅喎」，並有人笑言「呢個廣告幾有創意」。
翻查「狗月餅」的官方資料，同款寵物月餅共有兩款口味，分別為紅菜頭寵物月餅，和南瓜寵物月餅。樓主展示的是紅色月餅，因而相信吃進肚子的是紅菜頭口味「狗月餅」。
資料來源：marcuswonggggg＠Threads
相關閱讀：60張「六合彩」做離職散水禮竟全部中獎 港女買60張相同號碼送同事 奇蹟中Ｘ字每位同事收錢「咁多」↓↓↓↓
有港女畢業工作6年半裸辭，她購買了60張全部同一號碼的六合彩，每張1注10元，作為散水禮送給所有同事，開彩後發現，60張六合彩居然奇蹟全部中獎。
今年4月，她在社交平台公開事件，透露了她填選的6個號碼中了多少字，和每位同事分別獲派多少彩金，詳情如下↓↓↓↓
相關閱讀：六合彩做散水禮再傳中獎 港女離職亂畫20張送同事 驚見「留畀自己個張中」 收錢咁多
