有經理級人馬失業後轉跑道繼續拼搏，跟朋友夾錢在街市賣嘢食後得知行情，爆料鼓勵大家天無絕人之路，指原來在街市賣嘢好賺錢。以賣菜為例，日薪便高達4位數字。不過，有網民不敢相信；但也有人指賣菜薪酬確高，只是工種辛勞「係好辛苦錢嚟」。詳情見下圖及下文：
經理級人馬失業轉跑道 爆料指街市賣嘢勁好賺 賣菜日薪高達4位數字逐張睇↓↓↓↓
樓主：生果檔老闆寸到天氣凍休息
匿名樓主今日（21日）凌晨在facebook群組「裁員炒人消息關注組 🔥🍳🦑 」發帖分享自身經歷以鼓勵網民——
「小弟做咗廿幾年Office（寫字樓），升到SM（Senior Messenger，高級經理）都有$45000，但3月（前）俾個GM（General Manager，總經理 ）炒咗，係呀失咗幾個月業，同朋友夾錢在街市賣嘢食先知賣菜有$1000日，賣包有$60個鐘。生果檔老闆寸到天氣凍休息一天，雜貨鋪老闆4萬、5萬租金都有錢賺。
我只是想鼓勵吓大家唔好因為俾人炒咗而絕望，唔好俾佢認知影響你嘅將來，路係要自己行，發掘多啲你認知以外嘅嘢，加油啊！」。
相關閱讀：減價時段仍收正價 將軍澳街坊追討5元差額 菜檔辯稱剛換價錢牌 職員出一招企圖打圓場
網民：以前賣魚仲好搵
部分網民對街市行業的高薪感到驚訝，表示「賣菜有$1000/日？」，有人似乎熟行情，指「真係有㗎，高峰搶賣菜大家姐$1200-$1500都有」，甚至有人提及「以前賣魚仲好搵」、「我知魚檔8萬幾蚊左右一個人」、「賣豬肉嗰個$1500蚊呀」。然而，也有網民認為「唔算多$1000 x 26日 = $26k 仲要工時長及忙碌」。
相關閱讀：颱風樺加沙｜掃貨潮持續街市蛋檔鹹蛋賣光 菜檔離奇轉賣防風膠紙 網民：幾錢斤？有無蔥送？
網民：辛苦錢嚟
不少網民指出，街市工作雖然高薪，但「係好辛苦錢嚟」，需「返12個鐘，要負責叫場『埋嚟睇埋嚟揀』」，而且「每日由早上6點做到晚上7點」，強調「街市賣乜都唔容易。都係要付出勞力嘅」、「賣菜賣凍肉係體力勞動辛苦工，唔係人人做得嚟」，並指出「賣菜散工真係有$1000日，但咩假期福利都冇，仲差不多企足12小時，同埋散工係未必返得足工的」。
儘管如此，許多網民對樓主表示支持，認為他的分享「講下行程天冇絕人之路」，鼓勵大家「睇下個人心態肯唔肯放下身段啫」、「塞翁失馬，焉知非福，真係天無絕人之路⋯⋯個天關一道門，自然打開另外一道門！最緊要正面思想🍀和肯做，人最重要感恩自己擁有健康身體！」。
另有網心好奇「想知樓主賣嘢食，一日搵幾多？」，獲樓主大方自爆「每日4-5千（咩都未扣）」。
資料來源：facebook群組「裁員炒人消息關注組 🔥🍳🦑 」
相關閱讀：荃灣街市驚見「同歸於盡」菜價 3斤菜標「這個價」震驚網民：天哪，這物價！↓↓↓↓
有網民在荃灣街市驚遇菜檔高調掛牌，標示「同歸於盡」的菜價，引起網民關注，不少人感震驚：「天哪，這物價！」「比深圳便宜！」「求定位，真係抵呀！」！↓↓↓↓
