大埔宏福苑五級奪命火，8座大廈中有7座陷入火海，釀成過百人死亡，其中先起火為宏昌閣低層棚架位置。今日有宏昌閣失聯住戶的家屬到廣福社區會堂，進行DNA採樣，希望可辨認出遺體。陳小姐的父母住在宏昌閣低層單位，預料已罹難，但至今仍未找到遺體，或已化成灰燼。她指今早進行口腔組織採樣，過程約半小時，被告之需三至四星期才有化驗結果。
陳小姐指採樣後需三至四個星期才有化驗結果。梁國峰攝
「佢哋（工作人員）話唔知搵唔搵到遺體，有機會被水沖走，講咗好多可能性，依家唯有接受咗先。」她又坦言好傷痛，「好想畀返個身份佢哋（死者）。」除了失去親人，對於善後工作亦感身心疲乏。「仲有好多手續要辦，每一日都有好多嘢要自己排隊，就算搵親朋戚友代辦都唔可以，要我同妹妹拎住災民證去辦。」
今早不少死者家屬到社區會堂採樣作辨認遺體之用。梁國峰攝
她又坦言一戶一社工並無落實，「其實有啲災民都仲未聯絡到社工幫手，每日都要自己去撲，有時朝早10點排隊，排到下午3點，但11點已經派完籌，之後又唔知幾時再派籌，我一日要行四區，去唔同地方申請基金。」
對於若一旦證實不到父母罹難，沒有死亡證如何是好，她坦言百感交集，「我都想知程序，但香港的政策又要跟返（程序），希望盡快解決，因為返工的返工，返學的返學，唔可以冇了期請假，我嚟咗新公司唔係做咗好耐，但公司都很體諒我，由第一日出事到依家，冇可能返到工，真係好影響生活。」
