「居屋2024」早前開始揀樓，有準業主以白表申請居屋，在揀樓的大日子因一事而慘遭取消資格 ，心情相當低落，在網上發帖尋求安慰。網民同情之餘也有求必應，以最傳統4字真言安慰。詳情見下圖及下文：
二人白表申請居屋 揀樓大日子因一事慘遭取消資格 準業主灰爆逐張睇↓↓↓↓
樓主：有得揀樓啦本來好開心
樓主6月27日在社交平台Threads以「求安慰」為題發帖，指「居屋收到信有得揀樓啦，本來好開心，但原來之前過到入息審查唔代表一定得，要揀樓日都要唔過入息上限先合資格，計計下數，連埋咁啱近呢2個月岀咗花紅/雙糧，2人收入啱啱過6萬，差幾百蚊，真係好灰。有冇人有同樣經歷，求安慰、求安慰、求安慰」。
有人好奇查問「你收到信叫你去揀你應該交咗入息審查架啦啵⋯⋯唔係批咗先再出信叫你去揀咩？」，樓主回應「係呀，但揀樓時都要再審批，確保呢段期間都合乎資格」。
有回應的網民設法替樓主想辦法，希望能亡羊補牢：「扣咗MPF（強積金）未吖，叫公司將份花紅雙糧扣MPF，分開月份扣」，不過樓主無奈回應：「太遲啦」。
相關閱讀：抽中居屋 業主教路3大步驟：10萬元搞掂全屋裝修傢俬電器 網民半信半疑
網民安慰：塞翁失馬
其他留言的網民則好言安慰：
•「搵過份低少少人工嘅，再排」；
•「塞翁失馬，遲啲私樓居屋價，咁樣講算唔算安慰？」；
•「其實而家4,000,000都買到300幾呎左右嘅私樓，你如果你做到七成嘅話，仲可以租埋出去啊，同埋而家應該仲有排跌，人生好長遠，你諗下你成功咗就要供30年，當儲下錢而家輕鬆下啦，所以買唔到，未必唔係好事」。
有人則自爆類似的被取消資格經歷，稱「前年家庭入息上限仲係62k嗰陣，同你一樣都係因為出花紅，過咗2000-3000千蚊，仲要揀樓嗰日先知過。去到揀樓counter（櫃位）主任都愛莫能助，見到我喊佢仲安慰我。自己蠢，事前冇睇清楚要declare（申報）多次，如果唔係應該唔會去到揀樓個步驟」。還有好彩數的人揚言「我當年啱啱停咗工3個月，然後cover（康復），平均後先啱啱好咋」。
以白表申請居屋，家庭成員人數兩人及以上，入息限額為60,000元，資產限額1,230,000元。房委會資料顯示，在決定居屋申請人的申請資格時，強積金所作的法定供款會從住戶收入中扣除。換言之，居屋入息限額應適用於扣除強積金供款後的家庭收入。
居屋2024推出5個新居屋屋苑，分別是啟德啟盈苑、觀塘安達臣安柏苑、油塘碧雲道高曦苑、屯門湖山路兆湖苑，以及東涌裕興苑，共提供7,132伙；另有約300個重售單位，及新一批約400個租置計劃回收單位，合共超過7,800個單位。
居屋2024相關閱讀：
居屋2024︱首階段優先揀樓6月20日結束 啟盈苑、高曦苑仍有剩餘單位供選購
居屋2024｜5.29起揀樓 5.22公布價單 一文睇清揀樓次序及配額等安排
居屋2024 ‧ 揀樓攻略｜一文睇清揀樓機率、次序機制 白表家庭到呢粒珠都有機會揀樓！
資料來源：lolo.55.love.sos＠Threads
相關閱讀：湖南女來港80萬買646呎居屋 靠一時機入市僅付4萬首期↓↓↓↓
一名湖南來港的女子2023年下旬在社交平台，宣稱以80萬元買入646呎居屋，首期僅付4萬元，她更揚言單位在高峰時，市值1千萬元，引發網民熱議，不少人質疑：「笑死」、「吹得有點大」、「一千萬？！你不如話一億。」↓↓↓↓
