網上近日流傳一段於早上6時30分拍攝，過關人潮在深圳福田口岸爭取第一時間南下香港的搶閘短片。當中場面墟冚，期間一名穿黑衣紮馬尾的女子在人潮下失足跌倒，險被亂踢，場面驚險。
有網民估計，這一波等開閘人潮大都是晨早過關回港返工的跨境上班族，要挑戰在短時間內過齊中港兩邊關口，並順利在港鐵落馬洲站登上頭班車，才能免卻返工遲到之禍。詳情見下圖及下文：
深圳福田口岸搶閘場面墟冚 女子人潮下跌倒險遭亂踢逐張睇↓↓↓↓
女子失足整個人應聲趴在地上
樓主7月9日在facebook群組「車cam L（香港群組）」上載片段。短片長約20秒，直擊人潮搶閘實況。片中見到開閘後，擠在門外的長龍一湧而上，右旁的白衣男子一馬當先衝入大堂；經中間閘門跑入的馬尾女子 ，沒多久便失足跌倒，整個人應聲趴在地上幾乎五體投地，幸而反應夠快連忙站起。期間一名男子似在匆忙間從旁慰問，而女子視察一下腿部情況後，便邁開腳步繼續行程。
網民：插水式進場
回應的網民形容片中趕時間的男女「快到頭髮都飛起」、「插水式進場」、「有點誇張喔」。也有人聯想起動漫節的入場情況，有人則稱「每個清晨！有黃大仙上頭炷香嘅感覺！」。
對於「個個南下趕返工」，有網民感嘆「何苦呢」、「咁X辛苦為乜？」、「住上面，但每日落返香港返工都幾係嘢」、「返大陸住，朝早趕返來開工……咁辛苦為乜？」。
相關閱讀：港女落馬洲過境回程疑血糖低頭暈 遇上好心人3大幫忙 一原因網上出Po急尋讓座女
網民：慳返好多住屋租
回應的網民說出心底話，稱「慳返好多住屋租」、「香港賺錢，大陸享受」、「上面租金低，但舟車勞頓」、「上邊住一早要落返香港開工就係咁」、「大陸住香港返工，我識好多香港人已經係咁」。有網民更加詳細分析：
•一向係咁，封關停咗一排，現在又住返上去，平一半租住大1.5倍喎；
•十幾年前每日都已經係咁，有你想像唔到咁多人每天都喺口岸等開閘返香港趕開工，每個口岸都係咁多人；
•當你攞幾千蚊住過爛Ｘ劏房，張床喺個廁所隔籬你就知點解，深圳幾千蚊已經租到個有房有廳有獨立廁廚嘅單位；
•其實早30年前羅湖都係咁，返早就要衝關，過境學生同老人家例牌排左右兩邊，中間就係衝位，一開閘你走慢啲都被人撞低瞓地；
•有頭髮邊個想做癩痢？有冇諗過香港啲樓價貴得瘋狂，啲人焗住要返大陸住，就係要為咗節省生活成本？唔通個個都有公屋住咁幸福咩；
•為咗拒絕香港昂貴嘅樓價同租金！幾千蚊喺深圳已經租到個有房有廳有獨立廁廚嘅單位，呢個價錢喺香港只係租到間爛Ｘ劏房，仲要個廁所黐喺你張床隔籬。
8分鐘內過晒兩邊關 趕6:38頭班車
還是有人始終不明白有關情況，問到底「其實係咩事？」、「真心唔明，點解要跑 ，求解」。網民於是細心講解，指「好多人要趕頭班車，坐唔到就遲到」、「因為要趕6點38分頭班車，8分鐘內過晒兩邊關，入閘仲要順利上車」。
另有人錯重點，「向3位開門哥哥致敬」，指「動作同時間夠合拍，開慢少少俾班傻撞到黐」。另有人笑言有人趕時間，可能是「趁老婆夜班未返嚟趕返屋企交人」。
相關閱讀：擠福田口岸搶閘回港返工返學 墟冚如馬拉松開跑 網民佩服：極速過關仲上埋車↓↓↓↓
過關，除了吃喝玩樂，對很多人來說更是柴米油鹽，與日常生活密不可分。2023年時，網上流傳數段深圳福田口岸大清早6時30分，市民排隊等候過關的短片，市民趕著回港上班上學搶閘衝關一刻，緊張情況好比馬拉松開跑↓↓↓↓
