港鐵屯馬綫早前爆發車廂罵戰，一名女乘客懷疑不滿上車時，被一名男子孭著的背囊揈到其手機。對罵期間，女子報警求助，還撳緊急掣要求車長停車，兼附加一項特別要求。有網民以4個字精警地總結今次事件。詳情見下圖及下文：
屯馬綫港女不滿背囊男揈到手機 撳緊急掣叫車長停車逐張睇↓↓↓↓
雙方對罵節錄
樓主6月28日在社交平台Threads上載短片發帖，留言指「天氣太熱兩位應該飲杯24味」。短片長約50秒，開始時已見到穿間條連身裙的女子，與坐於身旁的男子對罵，雙方你一言我一語：
女：嘩！差啲，差啲呀揈落嚟。
男：我無掂過你呀。
女：你無點過我，我話你個背囊揈到我個電話，你係咪唔識廣東話呀？白痴。
男：差唔多，你都係。
女：講得好清楚呀。
男：收聲啦，白痴。
另一鏡頭是女乘客按下緊急掣與車長通話的片段：
車長：……列車，請問有咩可以幫到你？
女：我報咗警㗎喇，麻煩你停車，叫位乘客落車，佢撞到我呀。
車長：唔好意思呀，你可唔可以講多次發生咩事呀？慢慢講。
女：佢撞到我，佢入車嘅時候撞到我。
男：大家都唔同一個門口入。
車長：好呀，錦上路站我搵職員協助你吖。
女：好呀。
車長：麻煩你稍等啦。
警方回應《星島頭條》查詢時表示，6月19日中午約11時55分接報，指涉事的一男一女同於港鐵天水圍站上車，雙方懷疑因為座位問題發生爭執。事件中無人受傷，其後同意和解收場，警方列糾紛案處理。
相關閱讀：港鐵油塘站大叔疑拒讓位上車 雙方越鬧越激動 輪椅男現身講受辱經過 職員調停手勢成焦點
網民點評女事主少題大做
就片中的一男一女事主，網民各有不同看法，就著女方的舉動，有網民留言指：
•小題大做；
•女人把聲煩到呢；
•少少嘢都要報警；
•一停車，累到全世界；
•麻煩你停車，世界為你停頓；
•咁小事，使唔使咬住唔放呀；
•唔鍾意被人掂到咪直接搭的士啦一個人坐囉，阻Ｘ住晒其他乘客；
•又唔係要Call（召喚）白車，知唔知因為小事唔順氣，結果帶俾人好多麻煩，自私Ｘ！
相關閱讀：疑慢人一步痛失靚位 長髮女西鐵車廂內開火與婆婆爭位 網民兩邊都唔幫
放低背囊咪做碰碰車
至於集中點評背囊男的網民則認為：
•見到阿叔個腰包就知佢無空間感；
•其實，個袋咁重撞埋阿婆度都會痛；
•其實個男人個腰包都頂住咗好多位啦，最憎呢啲背囊Ｘ；
•有啲人好衰格，恃住自己又大隻又有大背囊亂咁撞人亂咁轉身。
有關孭背囊搭港鐵的禮貌行為，2017年時，港鐵FB曾上載一段提醒乘客搭車時放低背囊的宣傳短片，帖文提到：「平時搭港鐵，你同我都可能遇過唔少『武林高手』，即刻睇睇佢哋會使出邊4種『孭嘢招式』同你過招！記住#搭車要識Do（做），放低背囊，#咪做碰碰車！#孭嘢人 #武林高手 #勁過排雲掌風神腳 #一招即KO」。
另一女乘客無視對罵冷靜畫眼線
還有眉精眼企的網民，留意到短片中還有另一亮點，就是背囊男身旁另一名女乘客：
•笑死！隔籬個師奶仲好冷靜畫緊眼線；
•隔籬女士係咪畫眉中？不問世事，要學習；
•佢兩個嗌交就梗㗎啦，擺明就係見架車一到開門兩個都Ｘ衝入去搵位坐，大家好好地講聲唔好意思咪算囉！鬧鬧鬧，仲要報警又通知埋車長，煩過乜！最勁係男人左手邊嗰位女士處變不驚，仲喺度努力畫eyeline（眼線）。
資料來源：leavehousesafe＠Threads
相關閱讀：港鐵大媽團車廂大內訌 尖酸咒罵惹側目：「你做雞你都無資格！」結局有驚喜↓↓↓↓
網絡熱傳有5人大媽團在港鐵車廂內當眾內訌的影片，尖酸咒罵的言詞令乘客側目，有人高聲喝罵對方：「你做雞你都無資格！」火藥味濃烈，衝突看似一發不可收拾，最終結局竟有驚喜↓↓↓↓
