資深投資者利達豐環球創辦人許銳生去年涉公司飯局後在車內撫摸女秘書助理的胸部，到達中環雪茄會所後再涉從後擁抱女方，今早在九龍城裁判法院否認兩項非禮罪開審。女秘書助理庭上飲泣「佢隻手伸入我內衣入面，揸咗我嗰胸幾下」，更「問我對佢有無感覺」，女方事後告知男友「我同佢講俾老闆非禮」，終報警揭發本案。
被告面對兩項非禮罪
65歲被告許銳生，報稱商人，否認於2024年7月8日，分別於一輛私家車內及中環雪茄吧The Club de Crown and Barrel內，猥褻侵犯女子X。
陪被告應酬同車往會所
現年30歲女事主X庭上憶述，2023年12月入職任利達豐環球集團老闆，即被告許銳生的秘書助理，負責處理中環雪茄吧The Club de Crown and Barrel的業務，以及出席公司飯局應酬等事宜。X提及，案發當晚8時許，X陪同被告、被告的生意夥伴出席尖沙嘴應酬飯局，其後「被告邀請同行人去會所食雪茄同飲酒，所以我就跟咗被告車過去」。
供稱車上遭被告揸胸
X飲泣道，同行的私家車上有司機及保鑣，「一上車嘅時候，被告開始用雙手向我方向攬住我」，期間X不斷掙扎並嘗試推開被告，更向被告表示「你醉啦」。惟被告繼續用力擁着X。X庭上續哭訴「佢左手伸入我內衣入面，揸咗我嗰胸幾下」，X形容「我用左手掹返佢隻左手出去，佢右手係我膊頭，我用右手撞開佢」。
叫停被告不果被反問「有冇感覺」
X形容，當時被告「比較用力令我傾向佢」，故未能掙扎開被告放在其膊頭的右手，X哭道被告的右手從膊頭滑入內衣，「揸我右胸3至4秒」，期間X撥開被告的手，「叫佢唔好摸」。X提及，被告其後「攝咗隻手入我大腿內側，想沿內側位置向上掃，想接近我私處，我捉住佢隻手，想推開佢」，惟被告仍觸摸到X的大腿數下。X另透露，「佢有問我對佢有冇感覺」，X當時回答「無」。
案件編號：KCCC801/2025
法庭記者：黃巧兒
