有在澳洲長大的港女畢業後回港居住，對生活感受作出點評，當中列出了香港的9大優點，勁讚住細屋有一大好處，但網民卻另有看法。詳情見下圖及下文：
澳洲長大畢業後返港住 港女點評香港9大優點逐張睇↓↓↓↓
樓主：蛋撻勁平，一次食半打
樓主前日（20日）在社交平台Threads發帖，對香港生活作出11項點評，當中有9項屬於她眼中的優點——
「在澳洲長大嘅我，分享下當年畢業返香港住嘅感受：
1）搭地鐵、的士好方便；
2）茶餐廳只去翠華；
3）蛋撻勁平，一次過可以食半打；
4）好多人話香港住屋細，自己一個人住兩房覺得都夠，清潔方面啲；
5）請清潔鐘點唔貴；
6）出街食唔貴，一個人住極少在屋企煮飯；
7）每日行好多路；
8）行行下街，有滴水滴落個頭，經常中招；
9）出街一定會使錢，就算正係在屋企留下，消費太容易；
10）去東南亞旅行好平又近，想去就去；
11）稅率低。
總結：單身在香港住係好過在外國」。
網民：最開心香港有冷氣
同相似背景的網民表示同意，並為樓主的清單多添3項香港優點，指——
「在澳州讀書的我，已畢業回港多年表示同意，另外：
1）餐廳一般可以，好少勁伏；
2）工作晉升機會多好多；
3）最開心有冷氣，澳洲一般家居沒有冷氣；
結了婚也覺得是住香港好過澳洲，尤其我不吃羊」。
另有留言的網民指「真事，蛋撻一食食半打」、「9（樓主提出的第9點：香港消費太容易）真係不能同意更多，利申本人住荒島」、「我剛來澳洲，覺得如果小朋友趁後生住下香港都好，人一世物一世，喺香港易啲睇下世界！」。還有人抱怨「澳洲花粉症好嚴重，關晒窗，敏感到眼水鼻涕一齊流，仲有烏蠅好多、好大隻」。
網民：一個人住兩房當然舒適
針對樓主提到的第4點「好多人話香港住屋細，自己一個人住兩房覺得都夠，清潔方面啲」，和第5點「請清潔鐘點唔貴」，有網民質疑「住兩房咁細都要請鐘點，認真定Ｘup（噏）？」、「就你呢句已經唔使傾，有錢住邊都開心。大把人一家四口都係住兩房！你一個人梗夠啦！」。有人則補充「一個人住兩房當然舒適」、「首先你要有$，一個人住兩房唔平」。
資料來源：mocha.0503＠Threads
相關閱讀：港人查詢澳洲生活費 網民報料：衣食同深圳有得揮？ 最抵買原來係……↓↓↓↓
有相信是準備在澳洲生活的港人未雨綢繆，2024年初於facebook群組「香港人移民澳洲🇦🇺」查問「澳洲生活一年，大約使費要多少？」。
雖然提問的範圍廣闊（樓主及後收窄至悉尼物價），知情的網民也不厭其煩地盡力回答，其中有過來人提到「如果自己煮飯唔係下下高級食材，衣食都同深圳平嘅程度有得揮」，並細數當地的抵買物品↓↓↓↓
