受熱帶氣旋「韋帕」的外圍下沉氣流影響，香港天文台表示廣東地區持續酷熱。作打風下本港連日熱爆燈，空調成了家家戶戶的消暑好朋友。
網上社交平台facebook和Threads近日流傳一張看似平平無奇，疑似是公營房屋外牆的照片，相中的單位正在窗外晾曬被鋪。但當網民細看相片，細品當中的冷氣機後，卻即時發出爆笑聲。詳情見下圖及下文：
單位離奇倒轉地球 冷氣機出風口咁樣安裝 網民睇真啲即時爆笑逐張睇↓↓↓↓
網民：調轉咗嚟裝真考眼力
有回應的網民起初弱弱一問「其實唔係好明咩事」，待再看真相片後即爆笑留言「哦，Ｘ，調轉咗嚟裝，真係考Ｘ我啲眼力」。原來有關單位正在倒轉了地球，安裝在冷氣機位的空調，出風口不是向室內，竟然對外。
有樓主分別以「想點？」、「咩玩法」、「屋主間屋一開冷氣，就直達第16層火山地獄。定係一個美麗誤會」為題轉載相片，接著便任由網民發揮，當中不少啜核回應較相片本身更爆笑——「暖爐嚟㗎」、「扮有裝冷氣機，好睇啲」、「Remote（搖控器）開唔開到」、「凍呀，又嫌屋企太靜唧，裝都裝了」。還有人笑稱：
•裝飾嚟 ；
•古惑的風；
•古惑的冷氣機；
•俾雀用嘅冷氣；
•新款機種，測試中；
•新款呀兩邊出風口你識唔識呀；
•表面佢係一個冷氣，其實佢係一個鬚刨；
•外表係一部冷氣機，其實只係一個儲物櫃；
•可能係一個貓窩，又可能係一個雜物櫃⋯⋯；
•特工屋企，電器俾你估到仲得了，好明顯係風扇；
•咪以為佢係冷氣機，其實佢係一個武器庫；咪以為掛嗰啲係被鋪，其實係一啲滑翔傘。
相關閱讀：公屋單位裝N部分體冷氣 誇張奇景塞爆窗 房署調查後採ＸＸ行動
網民：可能洗緊冷氣機
有網民從正路方向去想——「拍門問吓」、「可能洗緊冷氣機」、「洗完機，師傅仔裝錯咗」。有人更細心討論：
•網民甲：會否部機壞咗，攞咗出嚟無得整，裝返位置又唔啱，調轉入塞住個窿防風雨。
•網民乙：整塊玻璃做仲平。
•網民丙：鎅玻璃要錢、要人工、要玻璃膠、要時間嘛～還有舊冷氣機無位放！
相關閱讀：港島私樓鄰居日日擲糞彈 冷氣機頂流出嚇人「屎瀑布」 女業主崩潰求助 網民亮劍一招了斷
網民：大愛捨己為人減慢地球暖化
另網民甚至以大愛來形容有關的戶主：
•減慢地球暖化；
•四字成語: 捨己為人；
•益街坊嘅嘢你識條鐵；
•佢想減慢全球暖化啫；
•條街熱過屋企、大愛服務市民；
•大愛，唔怪得今日無噚日咁熱啦；
•怕街坊太熱，幫手吹啲冷氣俾大家；
•我有一個夢，就係要令世界氣溫下降；
•幫個地球降下溫，地球叔叔都要吹冷氣；
•呢啲係大愛嘅一種表現，根本就想給世界一點涼。
資料來源：Bosco Chu＠facebook、碌碌鳥 Look Look Bird＠facebook、checkin_seizetheday＠Threads
相關閱讀：大圍公屋熱廚房裝冷氣 涼浸浸惹人羡 網民疑有內情兼違規 房署咁回應……↓↓↓↓
天時暑熱煎炒煮炸，下廚汗流浹背如焗桑拿。冷氣廚房，可能是不少一家之「煮」的夢想。去年中，有網民在facebook群組「公屋討論區 – 香港facebook群組」上載相片，留言指「喺廚房度裝窗口式冷氣，到底係咩玩法？」。
由於樓主#hashtag「#x田邨x全樓」，網民因而估計涉事單位，懷疑是位於沙田大圍的「美田邨美全樓」。對於有公屋單位廚房裝冷氣，惹來網民差天共地的想法，有人站於「煮」婦角度去想，慶幸夢想成真，熱廚房終於涼浸浸；也有心多的網民嘀咕，如此改動當中是否另有內情，甚至有違規之嫌。
房屋署回應《星島頭條》查詢時明言，美田邨住宅大廈外牆設有冷氣機台，住戶必須把冷氣機安裝在冷氣機台內，而有關單位把一部窗口式冷氣機安裝於廚房的窗戶上屬違規行為。↓↓↓↓
